Karantındegi juldyz: Opera ánshisi kontsert berdi
NUR-SULTAN. QazAqparat - «Astana Operanyń» jetekshi solısi, Qazaqstannyń eńbek sińirgen qaıratkeri Saltanat Ahmetova «Karantındegi juldyz» jobasy aıasynda onlaın kontsertti berdi, dep habarlaıdy QazAqparat.
«Ýaqyt taýyp, tikeleı efırden ónerimdi tamashalaǵan barshańyzda myń da bir rahmet! Búgingi kesh kóńilderińizden shyqty degen oıdamyn. Osy rette qoldaý bildirgen Mádenıet jáne sport mınıstrligi men «Qazaqtelekom» kompanııasyna alǵysymdy aıtamyn. Búkil jurt el basyndaǵy kúrdeli kezeńde birlikti tanytyp jatyr. Alda erekshe merekelerimiz kele jatyr. Bul indetti eńseremiz degen oıdamyn», - dedi kesh barysynda Saltanat Ahmetova.
Onlaın-kontsertte ánshi jalǵyz óner kórsetken joq. QR Memlekettik kúzet qyzmetiniń prezıdenttik orkestriniń ánshileri Jánibek Saparov pen Jibek Saparǵalıeva da mýzykalyq aspaptarmen ónerin pash etti. Olardyń oryndaýynda qazaqtyń halyq ánderi «Bir bala», «ıApýraı», sonymen qatar M.Petrenkonyń «Vals», «Beregıs avtomobılıa» kınofılminen A.Petrovtyń áýeni, A.Pıatstsollanyń «Lıbertango» shyǵarmalary kórermenge jol tartty.
Saltanat Ahmetova onlaın-kontsertke úlken daıyndyqpen kelgen eken. Halyq aýzyndaǵy ánderdi shyrqap, keńes dáýirindegi kınofılmderdiń saýndregin de shyrqady. Halyq ánderinen Aq baıan, Dedim aı aý, ıApýraı, Dýdaraı ánderi oryndaldy.
Saltanat Ahmetovanyń Italııadaǵy Vokaldyq óner akademııasynda (Accademia d’Arte Lirica, Ozımo q., 2009) mashyqtanýdan ótkenin atap ótken jón. Ánshi Vınchentso De Vıvo, Serdjıo Segalını, Alberto Dzedda, Djannı Tangýchchı, Krıstına Mýtı, Raına Kabaıvanska, Lella Kýberlı, Ýılıam Matteýtsı, Sılvııa Sash, Antonıo ıÝvarra, Stefano Demıkelı, Harrıet Loýson, Karlo Morgantı syndy ataqty maestrolardyń sheberlik sabaqtarynan tálim alǵan.
