Karantındegi juldyz: Qazaqstan jurtshylyǵy jańa kontsertti onlaın tamashalaıdy

NUR-SULTAN. QazAqparat - Búgin qazaqstandyqtar Qazaqstannyń eńbek sińirgen qaıratkeri Jeńis Seıdýllaulynyń kontsertin onlaın rejımde tamashalaı alady, dep habarlaıdy QazAqparat tilshisi.

«Karantındegi juldyz» atty jańa jobamyzdyń alǵashqy kontserti kópshiliktiń kóńilinen shyqqanyna rızamyz! Jobanyń kezekti kontsertin búgin 24 naýryz kúni saǵat 21:00-de Qazaqtelekomnyń Youtube arnasy men @zhenisseidullauly paraqshasynan tikeleı efırde kóre alasyzdar. Sizder úshin Qazaqstannyń eńbek sińirgen qaıratkeri Jeńis Seıdýllauly óner kórsetedi. Jeńis Seıdýllaulynyń lırıkalyq ári romantıkalyq, yrǵaqty ári kóńildi týyndylary men jaısań kúnderdiń esteligi bolǵan hıt ánderi janyńyzǵa jylý syılap, kóńilińizdi kókke kóteredi dep senemiz, qurmetti kórermen», - delingen «Qazaqkontsert» uıymynyń Instagram paraqshasynda jarııalanǵan aqparatta.

Esterińizge sala ketsek, QR Mádenıet jáne sport mınıstrligi Live formatynda «Karantındegi juldyz» atty jańa jobany bastaǵan bolatyn.

Joba aıasynda keshe eń birinshi bolyp júrekke jyly únimen, ásem áýendi ánderimen kórermenniń yqylasyna bólengen óner ıesi Jubanysh Jeksenuly óner kórsetken edi.