Karantındegi juldyz: Búgin «Jigitter» toby ánnen shashý shashady
NUR-SULTAN. QazAqparat – «Karantındegi juldyz» jobasynyń kezekti onlaın kontsertin búgin «Jigitter» toby ótkizedi, dep habarlaıdy QazAqparat tilshisi.
«Karantındegi juldyz» jobasynyń tikeleı efırinde qazaq estradasynyń tanymal óner ujymy «Jigitter» tobynyń onlaın kontsertin tamashalańyzdar! 10 mamyrda saǵat 21:00-de «Qazaqtelekom» kompanııasynyń YouTube arnasynan kórińizder. Ánmen birge «Jigitter» tobynyń músheleri onlaın suhbat beredi», - delingen Qazaqconcert memlekettik kontserttik uıymynyń habarlamasynda.
Aıta ketsek elimizde tótenshe jaǵdaı engizilgeli estrada juldyzdary onlaın rejımde ánnen shashý shashyp, kórermenin qýantyp jatyr. Buǵan deıin Roza Rymbaeva, Bekbolat Tileýhan, Qurmash Mahanov, Ámire, Tolqyn Zabırova, Nazıma, «91» toby onlaın kontsert berdi.
Tótenshe jaǵdaı rejımin qamtamasyz etý jónindegi memlekettik komıssııanyń otyrysynda Memleket basshysy Qasym-Jomart Toqaev «Karantındegi juldyz» jalpyulttyq jobasynyń barysyn rızashylyqpen qadaǵalap otyrǵanyn aıtqan bolatyn. Sondaı-aq Halyq ártisi Roza Rymbaevaǵa onlaın kontserti úshin alǵys bildirdi.
