Karantındegi 60 kún: Búgin «Qazaqstan» telearnasynda derekti fılm kórsetiledi
NUR-SULTAN. QazAqparat – Karantındegi 60 kún. Búgin, saǵat 20:50-de «Qazaqstan» telearnasy «COVID-19: Karantın» derekti fılmin kórsetedi, dep habarlaıdy QazAqparat.
«Jobada Qazaqstannyń álemdik pandemııaǵa qarsy júrgizgen is-qımyldary, azamattardyń densaýlyǵyn qorǵaý men saqtaýdaǵy keshendi jumystary, tótenshe jaǵdaı rejımi kezindegi saqtyq sharalary, elimizdiń daǵdarysqa qarsy jasaǵan naqty áreketteri kórinis tabady.
Basty maqsatymyz – ýaqytpen sanaspaı, alǵy shepte júrgen dárigerler men qaýipsizdik salasy ókilderiniń eńbegin jetkizý. Úıden shyqpaı, indettiń taralmaýyna úles qosqan qarapaıym azamattardyń da ózgergen ómiri kórsetiletin bolady», - delingen aqparatta.
