Karantınde jatqan aqtóbelik úıine ketip qalǵany úshin jazalandy
AQTÓBE. QazAqparat - Aqtóbede tótensha jaǵdaı rejımin buzǵan 133 jaǵdaı tirkeldi. Shymkentten kelgen aýdan turǵyny karantındi buzyp, úıine ruqsatsyz ketip qalǵan, dep habarlaıdy QazAqparat tilshisi.
Polıtsııa men eriktiler tótenshe jaǵdaı rejımin buzǵandardy anyqtap jatyr. Oblysta barlyǵy 133 derek tirkelgen. Ákimshilik quqyqbuzýshylyq týraly kodekstiń «Tótenshe jaǵdaı rejımin buzý» baby boıynsha 10 adam qamaldy, 56 aıyppul salynyp, 43 derek boıynsha is sotqa jiberildi.
«Muǵaljar aýdanynyń turǵyny Shymkentten kelgen. Ol aýdandyq aýrýhanada karantınde jatqan jerinen úıine ruqsatsyz ketip qalǵan. Er adam ustalyp, ákimshilik is sotqa jiberildi», - dedi oblystyq PD baspasóz qyzmetiniń jeteshisi Erbolat Sarqulov.
