Karantınde tanymal mýzeılerge vırtýaldy týr jasaýǵa bolady

NUR-SULTAN. QazAqparat – Koronavırýstyq ınfektsııa epıdemııasyna baılanysty engizilgen karantınde kóptegen qazaqstandyqtar úıde otyrýǵa májbúr. Áriptesterimen, týystarymen, dostarymen jáne tanystarymen kúndelikti baılanystan shettetilgen turǵyndar teledıdar men Internetti mise tutýǵa májbúr. Ekinshi jaǵynan, bul ýaqyt adamnyń kókjıegin keńeıtýge, jańa nárseler úırenýge múmkindik beredi. QazAqparat oqyrmandarǵa Qazaqstandaǵy jáne shet elderdegi áıgili mýzeılerdiń vırtýaldy saıttaryn usynady.

Máselen, Afisha.kz saıty tek Qazaqstanda emes, Ortalyq Azııadaǵy iri mýzeılerdiń biri - Almatydaǵy QR Ortalyq mýzeıine barýǵa shaqyrady. Murajaı qorynda 300 myńǵa jýyq jádiger bar.

Sondaı-aq, «Jetisý 360» jobasy arqyly mýzeı eksponattarynyń vırtýaldy álemine 3D-týr jasaýǵa bolady. Munda Taldyqorǵannyń eki vırtýaldy mýzeıine - M.Tynyshpaev pen І. Jansúgirov mýzeılerine, «Anaǵa qurmet murajaıyna», Jambyl mýzeıine jáne Qazaqstannyń basqa da kórnekti qaıratkerlerine arnalǵan mýzeılerge, meshitterge, sáýlet jáne mádenı kórneki oryndarǵa vırtýaldy saıahat jasaı alasyz. Sonymen birge, Jetisý, Sharyn kanony, Kólsaı, Qaıyńdy jáne ózge týrıstik nysandardy tamashalaýǵa bolady. Mýzeıler men tabıǵat jaýharlaryn HD-sapada 360 gradýsta kórýge bolady.

Elimizde júrgizilgen birneshe arnaıy etnomádenı ekspedıtsııalar kezinde tabylǵan jáne katalogtalǵan jádigerleri bar Nemis halqy mádenıeti mýzeıin de tamashalaý usynylady.

Sondaı-aq, ıÝNESKO-nyń Búkilálemdik mura tizimine engen Túrkistan oblysyndaǵy «Áziret Sultan» murajaı-qoryǵymen vırtýaldy túrde tanysýǵa bolady. 100 gektarǵa jýyq aýmaqtaǵy tarıhymyzdyń jarqyn sáýlettik eskertkishi, Túrkistan qalasynyń basty kórnekti orny. Qoryqta Qoja Ahmet ıAssaýı kesenesi, Qylýet jerasty meshiti bar Sopylyq ortalyq, Shildehannyń salttyq ǵımaraty, Kúltóbe qalashyǵy, shyǵys monshasy, Rabıǵa Sultan Begim, Esim han, Abylaı han, Jolbarys, Qasym han, Jánibek batyr, Qazybek bı jáne basqalarynyń keseneleri, Hýma meshiti, Shahrıstan, qamal qabyrǵalary, Áýlıe Qumshyq ata jerasty meshiti, Álqoja ata men Gaýhar ana keseneleriniń orny bar.

Muzey.kz saıtynda Mańǵystaý oblystyq tarıhı-ólketaný mýzeıin tamashalap, 7 ekspozıtsııa zalyn 3D-formatta qaraýǵa bolady.

Á.Qasteev atyndaǵy beıneleý óneri mýzeıi, Nur-Sultandaǵy QR Ulttyq mýzeıi jáne birqatar ǵylymı jáne tarıhı mýzeıler de vırtýaldy alańdaryn qurdy.

WeProject jobasy Qazaqstannan bastap túrli elderge vırtýaldy ekskýrsııalary bar 32 mýzeıdiń siltemesin jarııalady. Osylaısha, kez kelgen tilek bildirýshi Lývrǵa, Lıýksembýrg saraıyna, Ermıtaj jáne Reseıdegi Kosmonavtıka mýzeıine, Teıt galereıasy men Ulybrıtanııadaǵy Brıtandyq mýzeıge jáne basqa da kóptegen tanymal mýzeılerdi kóre alady.