Karantınde otyrǵan elordalyqtar balkonǵa shyǵyp, ánurandy qosyla shyrqady
NUR-SULTAN. QazAqparat - Bir aptadan beri tótenshe jaǵdaı rejıminde ómir súrip jatqan elordalyqtar balkonǵa shyǵyp, búkil úı bolyp Qazaqstannyń ánuranyn birge shyrqady, dep habarlaıdy QazAqparat.
Facebook áleýmettik jelisinde aýladaǵy turǵyndardyń ánurandy qosyla shyrqaǵan vıdeosy tarady.
Vıdeony jelige júktegen Sáýle Qaısar atty qoldanýshynyń jazýynsha , bul - Nur-Sultandaǵy «Merýert» kesheniniń turǵyndary.
«Men de kóptegen elordalyqtar sııaqty úıden shyqpaı, qamalyp otyrǵanmyn. Bir kezde syrttan kóterińki daýystar men ysqyryq estildi. Sóıtsem kórshiler balkonǵa shyǵyp, qosylyp birge án shyrqap, qolynan kelgenshe bir-birine qoldaý kórsetip jatyr eken. Shynymdy aıtsam, kóńilip kóterilip qaldy, al ekinshi jaǵynan birtúrli muńdy. Biz tórt qabyrǵaǵa qamalyp otyrmyz, qolymyzdan keletini - úmit úzbeı kútý ǵana», - dep jazady vıdeo avtory.
Vıdeodan turǵyndardyń birinen biri ilip áketip, «Meniń elim, meniń elim, Gúliń bolyp egilemin, Jyryń bolyp tógilemin, elim, Týǵan jerim meniń, Qazaqstanym» dep jańǵyrǵan daýsyn estýge bolady.
