Karantınde otbasynda janjal shyǵaratyndardy baqylaýdyń jańa tásili engizildi
NUR-SULTAN. QazAqparat – QR ІІM Ákimshilik polıtsııa komıteti ıÝvenaldy polıtsııa jáne áıelderdi zorlyq-zombylyqtan qorǵaý basqarmasynyń basshysy Áset Ospanov karantın kezinde otbasynda janjal shyǵaratyndardy baqylaýdyń tásili týraly aıtty, dep habarlaıdy QazAqparat tilshisi.
«Erekshe jaǵdaılarda turmystyq zorlyq-zombylyqtyń profılaktıkasy boıynsha qadaǵalaýdyń jańa tásilderin ázirledik. Tirkeýde turǵandar jáne quqyq buzýshylyqqa áýes adamdar qashyqtan, ıaǵnı áleýmettik messendjerlermen vıdeo baılanys arqyly tekserildi», - dedi ol Ortalyq kommýnıkatsııalar qyzmetinde.
Onyń sózine qaraǵanda, bul tásil atalǵan adamdardy jedel baqylaýǵa múmkindik beredi. Sonymen qatar, turmystyq zorlyq-zombylyq faktileri jaıynda polıtsııa organdaryna jedel habar berý úshin arnaıy algortım daıyndaldy. Onymen dárihanalar men dúkenderdiń satýshylary, sondaı-aq zorlyq-zombylyqqa tap bolýy múmkin jandar tanystyryldy.
«Nátıjesinde, ózin-ózi oqshaýlaý kezeńinde otbasylyq-turmystyq qatynastar salasynda quqyqqa qaıshy áreketter úshin ákimshilik jaýapkershilikke 8 myńnan astam quqyq buzýshylar tartyldy. Olardyń arasynda jartysyna jýyǵy ákimshilik qamaýǵa alyndy», - dedi Á. Ospanov.
Budan buryn habarlanǵandaı, koronavırýs indeti kezinde elimizde turmystyq zorlyq-zombylyq 21 paıyzǵa ósti.
