Karantınde 900 adam jatyr, kópshiligi Qazaqstan azamattary – Densaýlyq saqtaý mınıstri
«Jalpy bizde 992 adam karantınde jatyr. Onyń ishinde oqshaýlanǵandar da, úı jaǵdaıynda karantınde jatqandar da bar. 2 jáne 3 sanattar boıynsha, ıaǵnı turǵylyqty mekenjaı turǵysynan 7515 adam baqylaýda. Jalpy 8 myńǵa tarta adam Densaýlyq saqtaý mınıstrliginiń baqylaýyna alynǵan», - dedi Eljan Birtanov OKQ-da ótken baspasóz máslıhatynda.
Mınıstrdiń sózine qaraǵanda, karantınde jatqandardyń ishinde kópshiligi Qazaqstan azamattary, sheteldikter de bar.
«Aýrý belgileri bar jaǵdaıda olar aýrýhanaǵa jatqyzylady. Búginge deıin bizde 60 adam aýrýhanaǵa jatqan. 18-i keshe shyǵyp ketti. 42-i qaldy. Olar zertteýden, dıagnostıkadan ótýde. Osyǵan deıin aıtqanymdaı, Reseı jáne QHR-dan ónerkásiptik óndiristen shyqqan dıagnostıkalyq testter ákelingen. DDSU-dan da qosymsha testter jetkizildi. Biz 1014 adamdy tekserdik. Testterdiń birde-birinde koronavırýs ınfektsııasy anyqtalǵan joq», - dedi mınıstr.