Karantın: Jetisaıda 200-ge jýyq adam kókpar tartýǵa jınalǵan

JETІSAI. QazAqparat - Túrkistan oblysynda karantın kezinde 200-ge jýyq adamnyń basyn qosyp, kókpar uıymdastyrǵandar anyqtaldy, dep habarlaıdy QazAqparat.

Jetisaı APB qyzmetkerleri kúndelikti reıdtik is-sharalar júrgizý barysynda, belgisiz tulǵalardyń kókpar uıymdastyrǵany týraly taralǵan beınejazbany nazarǵa aldy.

Bolǵan jaıtty birden tekserýge kirisken tártip saqshylary kókpardyń Jetisaı aýdany Jambyl eldi mekeninde bolǵanyn anyqtady.

ıAǵnı aýyl turǵyny egistik alqapta karantın talaptaryn buzyp, 200-ge jýyq adamnyń basyn qosyp, kókpar uıymdastyrǵan.

Búginde is-sharany uıymdastyrýshyǵa qatysty QR ÁQBtK-niń 425-baby boıynsha qujattar jınaqtalyp, SES-ke joldandy.

Óz kezeginde polıtseıler Túrkistan oblysynyń turǵyndary men qonaqtaryn karantın rejımi men sanıtarlyq-epıdemıologııalyq normalardyń talaptaryn buzbaý kerektigin eske salady.

Bazarlarǵa, dúkenderge jáne adamdar kóp jınalatyn basqa da jerlerge barǵanda, qoǵamdyq kólikterge mingende medıtsınalyq betperde kıip, antıseptık paıdalaný jáne áleýmettik qashyqtyqty saqtaý qajet.

Toı-jıyn, kókpar nemese basqa da adamdardyń saýlyǵyna zııan keltiretin is-sharalardy uıymdastyrmaýǵa shaqyrady.