Karantın jáne tótenshe jaǵdaı rejimin alyp tastaıtyn kezde álemdegi jalpy ahýal eskerile me
«Memlekettik karantın – bul eldiń jabylýy, sheteldikter úshin elge kirýge jáne qazaqstandyqtarǵa shekaradan shyǵýǵa tyıym salý. Bul elimizdiń qaýipsizdigin saqtaýǵa negizdelgen shara. Sheshim álemdegi jaǵdaı qalaı bolatynyna baılanysty qabyldanady. Sáýir ortasynda ózge elderden ınfektsııa juqtyrǵandar kóptep kelý qaýpi saqtalyp qalatyn bolsa, karantın ýaqytyn uzartý týraly sheshim qabyldanýy múmkin. Ol kezde barlyq elde koronavırýspen aýyryp qalý táýekeli teńesedi dep oılaımyn. Ol kezde bir-birimizden saqtanýdyń mańyzy bolmaıdy dep oılaımyn, sebebi ıntegratsııa, ekonomıka mańyzdy. Karantın rejimi birtindep alynady», - deıdi Eljan Birtanov.
Ol ınfektsııa adamnan adamǵa juǵatynyn aıtty.
«Karantın kezinde úıde otyrý óte mańyzdy. Adamdarmen neǵurlym kóp baılanysta bolsańyz, aýrý juqtyrý qaýpi soǵurlym kóp bolady. Adamdarmen baılanysta bolǵanda eki metr qashyqtyqty saqtańyzdar. Gıgıena saqtap, qol jýyńyzdar», - deıdi ol.