Karantın: Jambyl oblysynda 53 mln teńgege aıyppul salynǵan
Jambyl oblysynyń Polıtsııa departamenti azamattarǵa óz jaqyndarynyń densaýlyǵyn saqtaý maqsatynda kópshilik jınalǵan is-sharalarǵa barmaý jáne qoldanystaǵy karantındik shekteýlerdi saqtaý qajettigin eskertedi. Óńir polıtseıleri monıtorıngilik top quramynda reıdtik tekseristerge qatysyp, býzyshylyqtardy anyqtaýda.
«Aǵymdaǵy jyldyń 5 shildesi men 24 qarashasy aralyǵynda túrli menshik nysanyndaǵy 11 myńnan astam nysan tekserildi. Karantın rejımin saqtaý boıynsha monıtorıngtik toptar nysandarda 763 quqyq buzýshylyqty anyqtady, jınalǵan materıaldar QR ÁQBtK-niń 425-baby boıynsha ákimshilik jaýapkershilikke tartý maqsatynda Taýarlar men kórsetiletin qyzmetterdiń sapasy men qaýipsizdigin baqylaý basqarmasyna jiberildi. Anyqtalǵan quqyq buzýshylyqtar boıynsha jalpy somasy 53 034 798 teńgege 450 aıyppul salyndy», - dedi oblystyq PD departamentiniń baspasóz qyzmetinen.
Máselen, jýyrda ǵana karantın rejımi men sanıtarlyq normalardyń saqtalýyn tekserýdi júzege asyratyn mobıldi top Merki aýdanynda eki otbasylyq is-sharany jáne Baızaq aýdanynda bir úılený toıyn ótkizý deregin anyqtady.
Atalǵan is-sharalardaǵy qonaqtar sany 200-ge jýyq adamdy qurady. Qonaqtardyń arasynda 2 jastaǵy baladan bastap 67 jasqa deıingi azamattar bolǵan. Polıtseıler tártip buzýshylarmen profılaktıkalyq áńgimelesý ótkizdi, al is-sharalardy uıymdastyrýshylarǵa qatysty ákimshilik hattamalar toltyryldy.
Sonymen qatar tek bir táýlik ishinde áleýmettik nysandardy ýaqtyly dezınfektsııalamaý, betperde rejımin jáne áleýmettik qashyqtyqty saqtamaýmen baılanysty alty quqyq buzýshylyq deregi anyqtaldy.