Karantın: «Tusaý keser», «Betashar» jasaǵan elordalyqtar anyqtaldy
NUR-SULTAN. QazAqparat – Elorda turǵyndary karantındik rejımniń shekteý sharalaryn elemeı, meıramhanalarda otbasylyq jıyndardy ótkizýdi jalǵastyrýda, dep habarlaıdy QazAqparat tilshisi.
«Ótken demalys kúnderi mobıldi top kásipkerliktiń 404 nysanyn tekserip, karantındik rejımdi buzýdyń 34 faktisin anyqtaldy», - dep atalyp ótken qalalyq Polıtsııa departamenti málimetinde.
Mobıldik top quramyndaǵy polıtseıler kún saıyn reıdtik sharalardy júrgizip, ereje buzǵandardy anyqtap jatyr. 21 qarasha kúni «Alasha» meıremhanasynda «Tusaý keser» toıyna arnap dastarhan jaıylǵan. Bul sharaǵa 50-den astam qonaq jınaldy. Sonymen qatar, ótken senbide «New Stars» meıramhanasynda «Betashar» otbasalyq sharasy uıymdastyrylyp, oǵan 70-ten astam meıman kelgen. Qonaqtar áleýmettik qashyqtyqty saqtamaı ornalastyrylǵan.
Qalalyq polıtsııa departamentiniń málimetinshe, meıramhana ıeleri men qonaqtary adamdardyń kóptep jınalýy ózderiniń densaýlyǵyna, sondaı-aq otbasy múshelerine, ıaǵnı qarttar men balalardyń densaýlyǵyna qater týdyratynyn túsinbeı jatyr. Olarǵa qatysty materıal jınaqtalyp, ákimshilik jaýapkershilikke tartý úshin tıisti mekemege joldandy.
