Karantın: Túrkistanda oblys aýmaǵyndaǵy qozǵalysqa ruqsat beretin bot iske qosyldy
TÚRKІSTAN. QazAqparat - Túrkistan oblysynda engizilgen karantındik rejım kezinde oblys aýmaǵynda júrip-turýǵa ruqsatnama beretin botty chat iske qosyldy. Bul týraly QazAqpara ákimdikke silteme jasap habarlaıdy.
«Telegram» áleýmettik jelisindegi «Smart Turkistan Bot» chaty arqyly tirkelip, ruqsat alǵan kompanııalar men onyń qyzmetkerleri jáne avtokólikteri qala aýmaǵynda kedergisiz júre alatyn bolady.
Qala aýmaǵynda júrip-turýǵa ruqsat alý úshin atalǵan chatta mekemeniń BIN nomerleri men qyzmetkerlerdiń JSN nomerlerin jáne avtokóliktiń memlekettik tirkeý nomerin engize otyryp tirkeýden ótý kerek.
Ruqsatnamaǵa alý úshin ótinishti mekemelerdiń birinshi basshylary ǵana bere alady. Sondaı-aq, kompanııa qyzmetkerlerine beriletin ruqsatnamanyń sany shekteýli. Eger belgilengen lımıtten asyp ketse, avtomatty túrde ótinish qabyldanbaıdy.
Sonymen qatar, «Smart Turkistan Bot» chaty arqyly kez-kelgen kompanııada nemese onyń qyzmetkerinde qala aýmaǵynda júrip turýǵa ruqsaty bar-joǵyn tekserýge bolady.
