Karantın: Túrkistan oblysynda jyl basynan beri 48 kókpar ótken
Atalǵan jaıttardy reıd barysynda anyqtaǵan polıtseıler, tıisti shara qabyldaý úshin qajetti qujattardy jınaqtap, SEBB-ǵa joldaýda.
Degenmen karantın sharalaryn elemeıtin azamattardyń sany azaımaı otyr. Sonyń saldarynan halyqtyń densaýlyǵyn qaýipke ıtermeleýde.
Osyndaı adamdar tobyn kóptep jınap, kókpar ótkizýdiń kezekti jaıty Shardara aýdanynda anyqtaldy.
Aýdandyq polıtsııa bóliminiń qyzmetkerleri Kóksý aýyldyq okrýgine reıd júrgizdi.
Nátıjesinde Kóksý aýyly mańynda 100-ge jýyq adamnyń qatysýymen ótkizilip jatqan «Bata kókpar» toqtatylyp, polıtsııa qyzmetkerlerimen túsindirý jumystary júrgizildi. Kókparǵa jınalǵan halyq birden tarqatyldy.
Kókpardy uıymdastyrýshy Shardara aýdanynyń turǵynyna qatysty QR ÁQBtK 425-baby 1-bólimimen materıaldar jınaqtalyp, ákimshilik hattama toltyrý úshin SEBB-ǵa jiberildi.
Óz kezeginde Túrkistan oblysynyń polıtseıleri azamattarǵa karantın rejıminiń talaptaryn qatań saqtaýdy, buqaralyq sporttyq jáne basqa da is-sharalardy ótkizýden bas tartýǵa keńes beredi.
«Karantın kezinde sanıtarlyq-epıdemıologııalyq normalardy saqtaý qajet. Sondaı-aq, medıtsınalyq betperde taǵyp, antıseptıkter qoldanyp, áleýmettik araqashyqtyqty saqtaǵan jón» dep eskertedi polıtsııa.
