Karantın: Túrkistan oblysynda bir aptada 4 mln teńgege aıyppul salyndy
TÚRKІSTAN. QazAqparat- Túrkistan oblysynda jańa jyldyń alǵashqy aptasynda karantın rejımin buzýshylarǵa 4 mln teńgeden astam aıyppul salyndy. QazAqparat bul týraly Koronavırýstyń taralýyna jol bermeý jónindegi QR Úkimeti janyndaǵy vedomstvoaralyq komıssııanyń aqparatyna silteme jasap habarlaıdy.
Málim etilgendeı, 1-7 qańtar aralyǵynda 104 mobıldi top karantındik shekteý kezinde qyzmetine ruqsat etilgen obektilerge monıtorıng júrgizgen.
«Mobıldi toptar bir apta ishinde 612 nysandy tekserip, 83 aıyppul saldy. Onyń ishinde 82 jeke tulǵaǵa jalpy sommasy 3 587 910 teńge kóleminde jáne 1 jeke kásipkerge 335 455 teńge kóleminde aıyppul salynyp, hattamalar toltyryldy. Salynǵan aıyppuldardyń jalpy somasy 3 923 365 teńgeni qurady», - delingen aqparatta.
Bul rette, buzýshylyqtardyń basym bóligi jeke tulǵalardyń enshisinde, ıaǵnı betperde taǵý rejımi jıi buzylady. Al zańdy tulǵalar ózine tıesili nysanda kelýshilerdiń arasynda áleýmettik qashyqtyqtyń saqtalýyn qadaǵalamaıdy.
