Karantın týraly jalǵan aqparat taratqan qostanaılyq ustaldy
QOSTANAI. QazAqparat – Qostanaı oblysynda WhatsApp jelisi arqyly jalǵan aqparat taratqan er adamǵa qatysty qylmystyq is qozǵaldy, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.
«WhatsApp jelisinde 2020 jylǵy 29 naýryzda Qostanaı, Lısakovsk, Rýdnyı, Tobyl qalalarynyń karantınge jabylatyny týraly jalǵan aqparat tarady. Osy derek boıynsha Meńdiqara aýdany, Qasqat aýylynyń 28 jastaǵy turǵyny ustaldy. Ol áleýmettik jelide Lomonosov aýylynyń turǵyndaryna karantın týraly eskertý jasaǵan», - dedi vedomstvonyń baspasóz qyzmetindegiler.
Qazir er adamǵa Qr QK 274-baby «TJ jaǵdaıynda aqparatty kórineý jalǵan taratý» boıynsha aıyp taǵyldy. Onyń kinási dáleldense, 3 jylǵa deıin bas bostandyǵynan aıyrylýy múmkin.
Jergilikti polıtsııa qyzmeti basqarmasynyń bastyǵy Qurmet Májikenov oblys boıynsha júrip-turýǵa tyıym salynbaǵanyn atap ótti. Sondaı-aq, polıtsııa Almaty jáne Nur-Sultan qalalaryna shyǵýǵa tyıym salý boıynsha túsindirý jumystaryn júrgizýde.