Karantın talaptaryn buzǵandarǵa aıyppul salynyp, 15 táýlikke qamalýy múmkin

NUR-SULTAN. QazAqparat – QR Aqparat jáne qoǵamdyq damý mınıstri Dáýren Abaev karantın rejımi kúsheıtilgen kezdegi kóshede júrý talaptaryn túsindirdi, dep habarlaıdy QazAqparat tilshisi.

Qoǵamdyq kóliktiń jumysy máselesin ákimdikter pysyqtap jatyr. Jaǵdaıǵa qaraı qoǵamdyq kólik qozǵalysy shektelýi múmkin. Saıabaqtar men alleıalarda patrýl júrgiziledi. Azamattar úı janýarlaryn turǵyn úı mańynda serýendete alady. Al eger azamattar basqa sebeptermen shyqsa, aldymen eskertý jasalady, odan keıin 26,5 myń teńge kóleminde aıyppul salynýy nemese 15 táýlikke deıin ákimshilik qamaýǵa alynýy múmkin», - dedi mınıstr «Habar 24» telearnasynyń tikeleı efırindegi málimdemesinde.

Onyń aıtýynsha, polıtsııa qyzmetkerleri hattama toltyryp, isti sot qaraıdy.

Odan bólek, TJ kezeńine bılik ókiliniń zańdy talabyna baǵynbaǵany úshin qylmystyq jaýapkershilik kózdelgen.

Aıta keteıik, koronavırýs ınfektsııasymen Nur-Sultan qalasy boıynsha 60 adam, Almaty qalasynda – 48 adam, Qaraǵandy qalasynda - 4, Jambyl oblysynda -3 adam, Atyraý oblysy - 3 adam, Shymkent qalasynda - 2 adam, Almaty oblysynda - 1 adam, Aqtóbe oblysynda - 1 adam, Soltústik Qazaqstan oblysynda - 1 adam, Aqmola oblysynda - 1 adam, Pavlodar oblysynda - 1 adam, jalpy 125 naýqas tirkeldi.