Karantın talaptaryn buzǵandar jyl basynan beri 1 jarym mlrd teńge aıyppul tólegen
Bul týraly QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyna silteme jasap habarlaıdy
Nysandardy reıdtermen qamtý kórsetkishi Túrkistan oblysynda 23,5 myń, Almaty oblysynda 3,7 myń, Qaraǵandy oblysynda 3,1 myń, Atyraý oblysynda 1708 nysanǵa tómendedi.
Shaǵyn jáne orta bıznes nysandarynyń maýsymdyq belsendiligine qarmastan Shyǵys Qazaqstan, Mańǵystaý, Pavlodar, Almaty, Soltústik Qazaqstan Aqtóbe oblystarynda karantındik shekteý talaptaryn buzǵan obektilerdi anyqtaýdyń úles salmaǵy kemigen.
Shilde aıynda, kerisinshe, monıtorıngtik toptar jumysynyń joǵary tıimdiligi Shymkent, Almaty qalalarynda jáne Jambyl oblysynda baıqaldy.
Sonymen qatar, monıtorıngtik toptar «Ashyq» jobasyna qatysýshy 3544 obektini qamtyǵan. 482 nysanda tıisti talaptardyń oryndalmaǵany anyqtaldy.
Tsıfrlyq damý, ınnovatsııalar jáne aeroǵarysh ónerkásibi mınıstrliginiń málimetterine sáıkes, 10 maýsym men 24 shilde aralyǵynda 12168 talap buzýshy anyqtaldy, olardyń 781-i «qyzyl» jáne 4 887-i «sary» mártebemen qoǵamdyq oryndarǵa kelgen.
«Qyzyl» mártebesi bar jeke tulǵalarǵa jalpy somasy 10,9 mln. teńgeden astam 258 aıyppul salyndy. «Sary» mártebesi bar jeke tulǵalarǵa úı karantıni sharttaryn saqtaý týraly talap qoıylyp, óńirlerdiń Bas memlekettik sanıtarııalyq dárigerleriniń 2203 qaýlysy shyqty.
2021 jyldyń 1 qańtary men 24 shildesi aralyǵynda respýblıka boıynsha monıtorıngtik toptar jalpy sany 132 088 reıd júrgizip, 758 679 nysandy qamtydy. Shekteý sharalaryn buzǵan 20 158 obekti anyqtaldy.
Shekteý sharalaryn buzýdyń 19026 deregi boıynsha 11 376 bıznes sýbektisi jáne 7650 azamat jaýapkershilikke tartyldy. Olardan 1,5 mlrd. teńgeden astam somaǵa aıyppul óndirildi. 91 nysannyń qyzmeti toqtatylyp, 334 materıal sotqa jiberildi.
