Karantın talaptaryn buzǵan elordalyq bıznes sýbektileri jabylady
Polıtseıler, SES ókilderi jáne Baıqońyr aýdany ákimdiginiń qyzmetkerleri ótken táýlikte birqatar nysandardy tekserdi. Kásiporyndar men mekemeler áli de bolsa talaptardy oryndamaǵan.
Baıqońyr aýdanynyń taýarlar men kórsetiletin qyzmetterdiń sapasy men qaýipsizdigin baqylaý basqarmasynyń málimetinshe, jıi talap buzǵan nysandar arasynda belgiler men dezınfektsııalyq kilemshelerdiń bolmaýy, jumys rejıminiń saqtalmaýy kóp kezdesedi.
Atap aıtqanda, T.Hýseın kóshesi, 11 mekenjaıyndaǵy kólik jýý ornynyń ıeleri jumys rejımin buzǵan, saǵat 22:45-te mekeme ashyq bolǵan.
Kenesary kóshesi, 47 mekenjaıyndaǵy «Mafııa» oıyn klýbynda qorqor shekken.
Sondaı-aq, mobıldi top «Shanhaı» bazarynan talap buzýshylyqtardy anyqtaǵan. Atap aıtqanda, kireberistegi dezınfektsııalyq kilemsheler, belgiler men sanıtaızerler bolmaǵan. Termometrııa tekserilmegen.
Basqa aýdandardaǵy tártip buzǵan nysandar: «Imperııa» SPA salony (Yrǵyz k - si, 23) «Sova» karaoke klýby (Kúıshi Dına k-si, 24) «Madına» dúkeni (Borabaı k-si, 10).
«Ár aýdanda eki mobıldi top, bireýi – kúndiz, ekinshisi – keshke jumys isteıdi. Qazirgi tańda karantın sharalary kúsheıtilip jatyr. Sondyqtan mobıldi toptar tekseretin negizgi oryndar halyq kóp bolatyn jerler: bazarlar, qoǵamdyq tamaqtaný oryndary, mektepter, óndiristik kásiporyndar. Tekserýler barysynda biraz kemshilikter anyqtalýda: jumys grafıginiń, maska taǵý tártibi, áleýmettik qashyqtyq saqtalmaýy, kassalarda adamdardyń toptalýy kóptep oryn alýda. Kóp kásiporyndarda sanıtaızer ilinip turǵanmen, ony halyq qoldanbaıdy. Mundaı buzýshylyqtar anyqtalǵan jaǵdaıda ákimshilik aıyppul salynady», - deıdi Baıqońyr aýdany taýarlar men qyzmetter sapasy men qaýipsizdigin baqylaý basqarmasy basshysynyń orynbasary Saltanat Iklasova.
Eske sala keteıik, elordada 14 qazannan bastap ShOB jumysyna jańa shekteýler engizildi. Zań buzǵany úshin aıyppul salynady. Turǵyndarǵa maska taǵý rejımin qatań saqtaý, antıseptıkterdi qoldaný jáne qashyqtyqty saqtaý qajet.
