Karantın talabyn buzǵan qyzylordalyqtarǵa 23,6 mln teńge aıyppul salyndy
Óńirde jyl basynan beri 167 monıtorıngilik top 9921 nysanǵa reıdtik tekseris júrgizdi. Nátıjesinde karantın talaptaryn buzýdyń 325 faktisi anyqtalǵan.
«Onyń ishinde halyqqa qyzmet kórsetý nysandarynda 154 buzýshylyq tirkelgen. Al úı jaǵdaıynda 119 merekelik-kópshilik is-sharalar ótse, uıymdasqan ujymdarda karantın talabyn buzýdyń 52 deregi anyqtaldy. Olar boıynsha QR Ákimshilik quqyq buzýshylyq týraly kodeksiniń 425-babynyń 1-bóligimen jalpy somasy 23 686 037 teńgege aıyppul salyndy.
Vırýstyń taralýynyń aldyn alý maqsatynda barlyq profılaktıkalyq sharalardy qatań oryndaý qajet. Maska taǵý, áleýmettik araqashyqtyqty saqtaý, qol gıgıenasy, úı-jaılardy jeldetý umyt qalmaýy tıis. Saqtyq sharalaryna beı-jaı qaramańyz», - dep málim etti oblystyq Sanıtarııalyq-epıdemıologııalyq baqylaý departamentinen.
