Karantın talabyn buzǵan qazaqstandyqtarǵa 1,2 mlrd teńge aıyppul salyndy

NUR-SULTAN. QazAqparat – Aǵymdaǵy jyldyń 1 qańtary men 31 mamyry aralyǵynda karantın talaptarynyń saqtalýyn baqylaıtyn monıtorıng toptary 94 788 reıd júrgizip, 585 393 nysandy tekserdi. 16 myńnan astam kásipkerlik nysany shekteý talaptaryn buzǵan. Bul týraly QazAqparat Sanıtarııalyq - epıdemıologııalyq baqylaý komıtetine silteme jasap habarlaıdy.

Karantın rejımin buzǵan kásipkerlik nysandarynyń basym bóligi Shyǵys Qazaqstan, Túrkistan jáne Almaty oblystarynda, sondaı-aq, Almaty jáne Shymkent qalalarynda ornalasqan.

Monıtorıng barysynda karantın kezinde qyzmetine tyıym salynǵan nysandardyń jumys isteıtindigi, jumys kestesine qoıylatyn shekteýlerdiń saqtalmaıtyndyǵy, buqaralyq sharalardyń uıymdastyrylatyndyǵy anyqtaldy.

Tekserý jumystarynyń nátıjesi boıynsha 300 is sotqa jiberlip, 76 nysannyń qyzmeti ýaqytsha toqtatyldy.

Karantın talaptaryn buzǵany úshin 9,1 myń shaǵyn jáne orta bıznes ıesi, 6,8 myń jeke tulǵa ákimshilik jaýapkershilikke tartyldy. Salynǵan aıyppuldyń jalpy somasy 1,2 mlrd teńgeden asady.