Karantın talabyn buzǵan 123 zańdy tulǵa 62,6 mln teńge aıyppul tóledi

NUR-SULTAN. QazAqparat - Karantın talabyn buzǵan 123 zańdy tulǵa 62,6 mln teńge aıyppul tóledi. Bul aqparatty QR Densaýlyq saqtaý mınıstrliginiń resmı ókili Baǵdat Qojahmetov rastady, dep habarlaıdy QazAqparat tilshisi.

«Osy jylǵy shildeniń 5-inen bastap osy kúnge deıin karantın talaptaryn buzǵany úshin QR Ákimshilik quqyqbuzýshylyq týraly kodeksiniń 425-babymen 123 zańdy tulǵa ákimshilik jaýapqa tartyldy. 13 tamyzdaǵy derekterge sáıkes, zańdy tulǵalar tólegen ákimshilik aıyppuldyń jalpy somasy 62,6 mln teńgeni qurady», - dedi ol Ortalyq kommýnıkatsııalar qyzmetindegi brıfıng barysynda.

Buǵan deıin osy jyldyń 5 shildesinen beri jabyq ǵımaratta, qoǵamdyq oryndarda jáne kóshede maska taqpaǵany úshin 2 778 adamǵa aıyppul salynǵanyn habarlaǵan edik.