Karantın: Shymkentte monıtorıngtik top 52,6 mln-nan astam teńgege aıyppul saldy

ShYMKENT. QazAqparat - Shymkent qalasynda 2021 jyldyń 1-qańtarynan bastap monıtorıngtik toptar 251 reıd júrgizip, 6 675 obektini teksergen, dep habarlaıdy QazAparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomsvtoaralyq komıssııanyń Telegram kanalyna silteme jasap.

Ondaǵy derekterge qaraǵanda, tekserilgen nysandardyń ishinde, 4 075 qoǵamdyq tamaqtaný orny, 2 097 kommýnaldyq nysan, 294 ónerkásip nysany jáne 209 balalar men jasóspirimderge arnalǵan nysandar boldy.

Qoǵamdyq tamaqtaný oryndarynda jumys isteý rejıminiń saqtalmaýy, toptyq is-sharalardyń ótkizilýi, betperde kııý rejıminiń saqtalmaýy, kelýshiler sanynyń shekten tys kóp bolýy jıi kezdesýde.

Monıtorıng top anyqtaǵan zańbuzýshylyqtar boıynsha 886 jaýapty tulǵaǵa hattama toltyrylyp, 52,6 mln teńgeden astam sommaǵa aıyppul salyndy.

«Shymkent qalasynyń sanıtarııalyq-epıdemıologııalyq baqylaý departamentiniń mamandary koronavırýs ınfektsııasynyń taralýynyń aldyn alý maqsatynda, QR Bas memlekettik sanıtarııalyq dárigeri jáne Shymkent qalasynyń Bas memlekettik sanıtarııalyq dárigeriniń qaýlylarynda kórsetilgen talaptardyń oryndalýy boıynsha túsindirý jumystaryn júrgizýde»,-delingen habarlamada.