Karantın: Shymkentte qoǵamdyq kólikterdiń jumysy shekteldi

ShYMKENT. QazAqparat – Shymkent qalasynyń aýmaǵynda karantın shekteýin uzartý týraly qalanyń bas sanıtarııa dárigeriniń qaýlysy shyqty. Bul shara COVID-19 juqtyrǵandar sany jáne vırýsty pnevmonııa aýrýynyń ósýine baılanysty qolǵa alynǵan, dep habarlaıdy QazAqparat tilshisi.

8 aqpanǵa deıin uzartylǵan qaýlyǵa sáıkes, balabaqshadaǵy kezekshi toptardy qospaǵanda, balalardyń mektepke deıingi uıymdarynyń jáne saýyqtyrý lagerleriniń jumysy toqtatylatyny kórsetilgen.

Qaladaǵy qoǵamdyq kólikterdiń kúndelikti jáne demalys, mereke kúnderi jumys ýaqyty saǵat 07:00-den 21:00-ge deıin shekteledi.

Túrli uıymdar men kásiporyndardyń basshylaryna, jeke kásipkerlerge jáne jeke tulǵalarǵa karantın aıaqtalǵanǵa deıin qyzmetkerleri men kelýshilerdiń sanıtarııalyq-karantındik jáne shekteý sharalaryn saqtaýyn qadaǵalaý kúsheıtilgen.

Jańa qaýlynyń talaptaryn nysandardyń menshik ıelerine qaramastan, barlyq jeke jáne zańdy tulǵalardyń oryndaýy mindettelgen.