Karantın: Shyǵys Qazaqstanda 533 nysan tekserildi
ÓSKEMEN. QazAqparat - ShQO-da epıdemııaǵa qarsy normalar men erejelerdiń saqtalýyn baqylaý boıynsha reıdtik sharalar jalǵasýda. Bul týraly QazAqparat Aqparat ortalyǵyna silteme jasap habarlaıdy.
Monıtorıng barysynda nysandarda qyzmetkerlerdiń maskalar men rezeńke qolǵaptardy, dezınfektsııalyq zattardy paıdalanýy, ǵımaratty dezınfektsııalaý rejımi men áleýmettik qashyqtyqty ustaný sekildi normalardyń oryndalýy boıynsha baqylaý júrgiziledi.
Oblys ortalyǵynda 4 jeltoqsanda monıtorıngtik sharalar barysynda 533 nysan qamtylyp, shekteý rejımin buzýdyń 17 faktisi tirkeldi.
Sonymen qatar, «Prodýkty», «Amına», «Mars» dúkenderinde buryn anyqtalǵan buzýshylyqtar boıynsha aıypul salyndy. Joǵaryda anyqtalǵan zań buzýshylyqqa salynǵan aıyppuldyń jalpy somasy 125 010 teńgeni quraıdy.
Semeı qalasynda buryn anyqtalǵan 5 fakti boıynsha aıyppul salyndy: 2 aıyppul tyıym salynǵan ýaqytta qyzmet kórsetken «Tamyr» saýda úıi men «5 zvezd» monshasynyń ıelerine, 3 aıyppul «Altyn ǵasyr» meıramhanasynda ótkizilgen otbasylyq is-sharaǵa (qudalyq) qatysqan turǵyndarǵa. Aıyppuldyń jalpy somasy - 638 940 teńge.
Kúrshim aýdanynda maskalyq rejımdi buzǵan Orazbaeva L. Esimdi azamatsha ákimshilik jaýapkershilikke tartyldy.
Kýrchatov qalasynda 6 kásipkerlik qyzmet obektisine tekserý júrgizilip, buzýshylyqtar anyqtalmady. Buryn tirkelgen sanıtarlyq normalar men talaptardy buzǵany úshin «Nursulý» dúkeniniń qyzmetkeri G. Býkeshova ákimshilik jaýapkershilikke tartyldy.
Úrjar aýdanynyń Eginsý aýylynda sheýtek rejımin buzýdyń 1 faktisi tirkeldi. Aýyl turǵynyna úıinde mereke ótkizgeni úshin 41 670 teńge kóleminde aıyppul salyndy.
Aıagóz aýdanynda S.Berik esimdi azamattyń da úıinde týǵan kún toılatqany belgili bolyp, ákimshilik jaýapkershilike tartyldy.
Shemonaıha aýdanynda 68 nysan tekserilip, 2 buzýshylyq anyqtaldy -qoǵamdyq orynda maskasyz júrý. Jeke tulǵalar A. Býchınge, V.Chernogorovaǵa 83 341 teńge kóleminde aıyppul salyndy.
Zaısan aýdanynda reıd barysynda 35 nysan qamtylyp, 1 hattama toltyryldy. Odan bólek, buryn anyqtalǵan buzýshylyq boıynsha «CentralMarket» saýda úıindegi №6 býtıktiń ıesi Úmitbek Ulpan JK meıram kúni jumys istegeni úshin 319 470 teńge aıyppul salyndy.
Rıdder qalasynda 5 reıd ótip, 75 nysan qamtyldy, ereje buzý faktileri tirkelmedi. Buryn ótken reıdter boıynsha 41 670 teńge kóleminde 1 aıyppul salyndy («Berezka» dúkeninde kelýshilerge qolǵapsyz qyzmet kórsetilgen).
