Karantın: ShQO-da jyl basynan beri 7 myńǵa jýyq reıd júrgizildi
Osy jyldyń 8 aqpanynan bastap Shyǵys Qazaqstan turaqty túrde «jasyl» aımaqta. Alaıda soǵan qaramastan QR jáne oblystyń Bas memlekettik sanıtarlyq dárigerleriniń qaýlylarymen bekitilgen shekteý sharalaryn buzýǵa qatań tyıym salynǵan. Aımaq boıynsha karantın talaptarynyń saqtalýyn qadaǵalaý maqsatynda 190 monıtorıngilik top jumys isteýde.
«2021 jylǵy 1 qańtar men 7 sáýir aralyǵynda 6832 reıd júrgizilip, 14703 nysan qamtyldy. 2734 nysannan sanıtarlyq talaptyń saqtalmaýy anyqtalǵan. Bul jalpy tekserilgen obektilerdiń 18,5%-yn qurap otyr», - delingen ShQO Sanıtarlyq-epıdemıologııalyq baqylaý departamenti taratqan habarlamada.
Tirkelgen buzýshylyqtar boıynsha 1438 hattama toltyrylyp, jalpy somasy 79 mln teńgeden astam 1382 aıyppul salynǵan. Onyń ishinde laýazymdy tulǵa – 2, zańdy tulǵa – 1, jeke kásipker – 38, jeke tulǵalar – 1319.
