Karantın: ShQO-da túngi reıdter jalǵasýda
ÓSKEMEN. QazAqparat - Shyǵys Qazaqstan oblysynda qoǵamdyq oryndarda sanıtarlyq-epıdemıologııalyq normalardy saqtaý boıynsha túngi reıdter jalǵasýda, dep habarlaıdy QazAqparat.
Reıdter barysynda kóńil kóterý oryndary, qoǵamdyq tamaqtaný obektileri jáne adamdardyń kóp shoǵyrlanýyna jol beretin barlyq basqa oryndar tekseriledi.
«Sanıtarlyq dárigerdiń qaýlysynyń saqtalýyn baqylaý maqsatynda 26 jeltoqsanda jaqynda ashylǵan «ıÝbıleınyı« kınoteatryna jáne «Dostar« karaoke-baryna monıtorıng júrgizildi», - dedi ShQO Aqparat ortalyǵynan.
Kınoteatrdaǵy monıtorıng barysynda buzýshylyqtar anyqtalǵan joq. Onda betperde rejımi tolyq saqtalyp, sanıtaızerler ornatylǵan. Kınozaldar men meıramhanalardyń tolymdylyǵy 30% - dan aspaıdy jáne áleýmettik qashyqtyq saqtalǵan. Alaıda, karaoke-barda jaǵdaı basqasha jáne reıd kezinde birneshe buzýshylyq tirkeldi. Tipti, oıyn-saýyq ornynyń qyzmetkerleri baqylaý tobyn ǵımaratqa kirgizýden bas tartqan.
«Monıtorıng barysynda «Dostar« karaoke-baryna bardyq jáne tekserý kezinde munda kóp adamǵa arnalǵan korporatıvter ótkiziletini, sondaı-aq sanıtarııalyq dárigerdiń qaýlysynyń «bir ústelge 6 adamnan artyq otyrǵyzýǵa bolmaıdy«degen erejesiniń saqtalmaıtyny anyqtaldy», - dep atap ótti «Shyǵys-Adaldyq alańy» jobalyq keńsesiniń basshysy Marjan Baqyt.
