Karantın shekteýleri óz nátıjıesin beredi - Jandarbek Bekshın

ALMATY. QazAqparat - Almaty qalasynyń bas memlekettik sanıtarlyq dárigeri Jandarbek Bekshın onlaın brıfıng barysynda qoldanylatyn shekteýlerdiń epıdemıologııalyq jaǵdaıǵa qalaı áser etetinin aıtty, dep habarlaıdy QazAqparat tilshisi.

Almaty qalasy bas memlekettik sanıtar dárigeri qalada shekteý sharalarynyń engizilýi óz tıimdiligin kórsetkenin atap ótti.

«Qalada 3 naýryzdan bastap vırýsty juqtyrý kúrt ósti. Ol kúni koronavırýsty juqtyrýdyń 121 jaǵdaıy tirkelse, ótken senbi kúni 360 adamnan vırýs anyqtaldy. Al jeksenbi kúni bul kórsetkish 297-ge deıin tómendedi. Degenmen «qyzyl» aımaqtan shyǵý úshin bizge áli de shekteýlerdi engizý qajet», - dedi ol.

Sonymen qatar, ol 10 naýryzda shyqqan jańa qaýlyǵa sáıkes demalys kúnderi saýda úıleri, bazar jáne qoǵamdyq kólik jumysy toqtaǵanyn tilge tıek etti.

«Biz Qazaqstannyń bas sanıtar dárigeri belgilegen ólshemderge sáıkes jumys isteımiz. Olardy qoldanamyz, kúsheıte alamyz, biraq bul sharalardy jeńildetýge bolmaıdy. Statıstıka boıynsha tıimdilik bar. Shekteý sharalaryn jalǵastyrý qajet», - dedi Jandarbek Bekshın.

Buǵan deıin, ol Almaty qandaı jaǵdaıda tolyqtaı karantınge jabylatynyn aıtqan bolatyn.