Karantın sharalarynyń jeńildeýi: Qoǵamdyq kólikte kondýktor bolýy qajet
NUR-SULTAN. QazAqparat – QR Densaýlyq saqtaý mınıstri Alekseı Tsoı turǵyndardyń kóshede qandaı talaptardy saqtaýy qajettigin túsindirdi, dep habarlaıdy QazAqparat tilshisi.
«Sportpen aınalysý formatyna qatysty, áleýmettik qashyqtyqty saqtaı otyryp, ashyq aýada jeke jáne toptyq jattyǵýlarǵa ruqsat etiledi. Sondaı-aq, ulttyq quramalar úshin 30 adamnan aspaıtyn sporttyq jattyǵýlarǵa ruqsat beriledi», - dep atap ótti mınıstr búgingi Úkimet otyrysynda.
Mınıstr halyqtyń kóshedegi qozǵalysyna qatysty mynadaı talaptar saqtalatynyn aıtty.
«Kóshege, saıabaqtarǵa, skverlerge jáne jaǵalaýǵa barǵanda 3 adamnan artyq toptasýǵa bolmaıdy. Qoǵamdyq kóliktiń jumysy ýaqyt pen jolaýshylar sanyn 50% shekteı otyryp, maskalyq, sanıtarlyq-dezınfektsııalyq rejımdi saqtaýdy jáne kondýktorlardyń bolýyn mindetteý arqyly qaıta jandanady», - dedi Alekseı Tsoı.
