Karantın: Saýda úılerinde qandaı nysandar jumysyn jalǵastyrady

NUR-SULTAN. QazAqparat – Karantın kezinde saýda úılerinde tek azyq-túlik dúkenderi ǵana jumys isteıdi. Bul týraly QR Premer-Mınıstriniń orynbasary Eraly Toǵjanov málim etti, dep habarlaıdy QazAqparat.

«Epıdemıologııalyq qaýipti nysandardyń qyzmeti ýaqytsha toqtatylady. Azyq-túlik dúkenderi men dárihanalardan bólek, onyń ishinde saýda, oıyn-saýyq ortalyqtarynyń jumysy toqtaıdy. Saýda úıleri men saýda jelilerinde azyq-túlikke qatysty shekteý bolmaıdy», - dedi E. Toǵjanov Ortalyq kommýnıkatsııalar qyzmetinde.

Osy oraıda ol jumysyn jalǵastyratyn nysandarda personaldyń qaýipsizdigi qamtamasyz etilýi tıis ekenin atap ótti.

Eske sala keteıik, búgin Memlekettik komıssııa epıdemıologııalyq jaǵdaıdy turaqtandyrý jónindegi sharalardy bekitken bolatyn. Qazaqstanda epıdemıologııalyq ahýaldyń órshýin jáne koronavırýs ınfektsııasymen syrqattanýshylyqtyń ósýin eskere otyryp, Memlekettik komıssııa bıylǵy 5 shildeden bastap elimizde 14 kúnge kelesi shekteý sharalaryn engizý týraly sheshim qabyldady.

Al karantın talaptaryn buzǵan qazaqstandyqtar aıyppul tóleıtin boldy.