Karantın rejımin jeńildetý: Almaty qalasynyń ishindegi posttar alyndy
ALMATY. QazAqparat - Almaty Polıtsııa departamenti qala ishinde ornalastyrylǵan tosqaýyl (fıltratsııa) posttaryn alyp tastady, dep habarlaıdy QazAqparat tilshisi.
Bul karantındik rejımniń jeńildeýine, sondaı-aq kóptegen nysandardyń jumysyn qaıta qalpyna keltirýge baılanysty bolyp otyr.
Qalalyq polıtsııa basym resýrstardy azamattardyń kóp shoǵyrlanǵan jerlerinde (kishigirim saıabaqtar, alańdar) tártipti jáne karantın rejımin saqtaýdy baqylaýǵa baǵyttamaq. Sondaı-aq, bul qyzmetkerler jaıaý patrýldeý jumystaryna qatysady.
Polıtsııa jeke qaýipsizdik úshin karantındik erejeler men sanıtarlyq-epıdemıologııalyq normalardyń qatań saqtalýyn eskertedi.
30 naýryzda Almaty polıtsııasy qalanyń ishinde 26 polıtsııa beketin uıymdastyrý týraly sheshim qabyldaǵan bolatyn.
Tótenshe jaǵdaıdyń rejımin qasaqana buzǵan avtokólik ıeleri ákimshilik jaýapqa tartylǵan bolatyn.
