Karantın rejımin óreskel buzýdyń 15 myń jaǵdaıy tirkeldi
NUR-SULTAN. QazAqparat – Іshki ister mınıstri Erlan Turǵymbaev polıtsııa qyzmetkerleri karantın rejıminiń óreskel buzylý jaǵdaılary týraly aıtty, dep habarlaıdy QazAqparat tilshisi.
«Qoǵamdyq tártipti baqylaý júrgizý barysynda polıtsııa qyzmetkerleri karantın rejıminiń óreskel buzylýynyń 15 myń jaǵdaıyn – toılar men eske alý sharalarynyń ótip jatqanyn, demalys oryndarynyń jumys istep turǵanyn anyqtady», - dedi Erlan Turǵymbaev Úkimet otyrysynda.
Onyń aıtýynsha buǵan deıin dári-dármek pen medıkamentterdiń zańsyz satylýynyń 933 faktisi tirkelgen. Zańsyz aınalymnan 98 myń medıtsınalyq apparat qaptamasy, jarty mıllıon maska, 41 myń dana medıtsınalyq qolǵap pen basqa da medıtsınalyq buıymdar tárkilengen. Polıtsııa bul isterge qatysty 605 adam jetkizilgen. Onyń 349-y – medıtsına salasynyń qyzmetkerleri bolyp otyr.
