Karantın rejımin buzǵan elorda turǵyny tanymal sportshy bolyp shyqty
NUR-SULTAN. QazAqparat - Nur-Sultan qalalyq Polıtsııa departamentiniń qyzmetkerleri karantın rejımin buzǵan elordalyqty ustady, dep habarlaıdy QazAqparat tilshisi.
30 sáýir kúni saǵat 19:30-da polıtsııa qyzmetkerleri Botanıkalyq baq aýmaǵyn tekserip júrgen kezde sport alańynda júrgen azamatqa karantın rejımi týraly eskertken. Polıtsııa qyzmetkerleri ekinshi ret aınalyp kelgende er adam jattyǵýyn jalǵastyryp jatqan. Oǵan úıine qaıtýyn suraǵan. Alaıda tártip saqshylarynyń talabyna qulaq aspaǵan.
«Polıtsııa qyzmetkerleri tártipke baǵynbaǵan azamattyń kim ekenin anyqtady. Ol elordanyń 44 jastaǵy turǵyny, BE STRONG MMA PROMOTION ı Battle of Nomads promoýterlik kompanııanyń prezıdenti Anatolıı Kım bolyp shyqqan. Ol karantın rejımin buzǵany úshin QR Ákimshilik quqyqbuzýshylyq kodeksiniń 476-baby boıynsha ákimshilik jaýapkershilikke tartyldy. Mamandandyrylǵan aýdandyq ákimshilik sottyń qaýlysy boıynsha oǵan 10 AEK kóleminde aıyppul salyndy», - delingen qalalyq Polıtsııa departamentiniń baspasóz habarlamasynda.
Sot Esil aýdandyq polıtsııa basqarmasy ǵımaratynda vıdeo konferentsııa negizinde onlaın rejımde ótken.
Eske sala ketsek, karantın rejımi kezinde qala turǵyndaryna saıabaq jáne basqa da qoǵamdyq oryndarda júrýge, sportpen shuǵyldanýǵa bolmaıdy. Koronavırýs ınfektsııasynan tónip turǵan qaýip seıilgen joq. Polıtsııa qyzmetkerleri shekteý sharalary azaıyp bara jatqanyna qaramastan tártipke baǵyný kerek ekenin aıtady.
