Karantın rejımin buzǵan 73 nysannyń qyzmeti ýaqytsha toqtatyldy – mınıstrlik

NUR-SULTAN. QazAqparat – Jyl basynan koronavırýsqa baılanysty shekteý talaptaryn buzǵan 73 mekemeniń qyzmeti ýaqytsha toqtatyldy. Bul týraly QR Densaýlyq saqtaý mınıstrligi Sanıtarııalyq-epıdemıologııalyq baqylaý komıtetinen málim etti, dep habarlaıdy QazAqparat.

Vedomstvo aqparatyna súıensek, shekteý rejımin buzý oqıǵalarynyń basym bóligin karantın kezinde qyzmetine tyıym salynǵan nysandardyń jumys isteýi, shekteý rejımin saqtamaý, buqaralyq is-sharalardy ótkizý quraıdy.

Osy jyldyń 1 qańtary men 17 mamyry aralyǵynda monıtorıng toptary 85 118 reıd júrgizip, 530 887 nysandy teksergen. Nátıjesinde 15 170 nysannyń (2,8%) karantın talaptaryn buzǵany tirkeldi.

Karantın rejımin buzý oqıǵalary negizinen anyqtaldy:

- Shyǵys Qazaqstan oblysynda (3746);

- Túrkistan oblysynda (2344);

- Almaty (984) oblysynda;

- Almaty qalasynda (2115);

- Shymkent qalasynda (1666).

«Jumys barysynda 2662 kezekten tys tekseris júrgizilip, kásipkerlerge 2438 uıyǵarym tapsyryldy. Sotqa 281 materıal jiberilse, 73 nysannyń qyzmeti ýaqytsha toqtatyldy.

8613 nysanǵa jáne 6 576 jeke tulǵaǵa jalpy somasy 1, 210 mıllıardtan astam teńgeni quraıtyn ákimshilik aıyppul salyndy. Jeke tulǵalar kóbine qoǵamdyq oryndarda (jabyq ǵımarattarda, kólikte) betperde kımegeni úshin jaýapkershilikke tartylǵan», - delingen komıtet aqparatynda.