Karantın rejımi jeńildetilgeli jol qozǵalysy 20% artty – Almaty PD basshysy
ALMATY. QazAqparat – Almatyda karantın sharalary jeńildetilgennen beri jol qozǵalysy 20 %-ǵa artqan. Bul týraly qalalyq Polıtsııa departamentiniń basshysy Qanat Taımerdenov onlaın brıfıng barysynda aıtty, dep habarlaıdy QazAqparat tilshisi.
«Karantın sharalarynyń bosańsyp, qalanyń tynys-tirshiligi kezeń-kezeńimen qalpyna kelýine baılanysty syrttan kiretin kólik sany kóbeıgen. Kólik qozǵalysy 20 %-ǵa artqan. Áleýmettik jelide kólik keptelisi, qarama qarsy betke shyǵý degen sııaqty zań buzýshylyqtar týraly aıtylyp jatyr. Ol problema bar. Blokposttar patrýldik polıtsııa polktarynyń qyzmetkerlerimen kúsheıtilgen. Sonymen qatar bul posttarda «Sergek» kameralary bar», - dedi Qanat Taımerdenov.
Basqarma basshysynyń aıtýynsha, karantın rejımi jarııalanǵaly beri qalada QR ÁqbK 3297 adam ákimshilik jaýapkershilikke tartylǵan.
Sonymen qatar, qalada qylmys, jol apaty kórsetkishi tómendedi.
Munyń aldynda departament basshysy eń iri kúre joldarda birneshe kún boıy keptelister neden paıda bolǵanyn túsindirgen bolatyn.
