Karantın rejımi saqtalady – Almaty jedel shtaby

Bul rette karantın rejımi aıasyndaǵy shekteý sharalary 11 mamyrdan bastap Shtabtyń erekshe ókimine deıin jalǵasady.

Qalanyń perımetri boıynsha ornalasqan blokposttar jumysy burynǵy kúsheıtilgen rejımde jumys isteıdi. Qalada júrgende sanıtarlyq-epıdemıologııalyq qaýipsizdik normalary qatań saqtalýǵa tıis. Oǵan qosa Shtabtyń sheshimimen qalada jumysyna ruqsat etilgen kásiporyndar men mekemelerdiń qyzmetkerlerine ǵana júrip-turýǵa bolady. Atap aıtqanda:

- memlekettik jáne quqyq qorǵaý organdary;

- kommýnaldyq qyzmetter;

- ónerkásip;

- qurylys;

- jobalyq uıymdar;

- jyljymaıtyn múlik agenttikteri;

- HQKO (zańdy tulǵalarǵa qyzmet kórsetý úshin);

- notarıýstar;

- advokatýra;

- azyq-túlik dúkenderi men bazarlar;

- kafeler men meıramhanalar (ózimen alyp ketýge ǵana bolady);

- medıtsınalyq klınıkalar;

- stomatologııa;

- zerthanalar;

- dárihana;

- kólik jáne logıstıka;

- dıstrıbýtsııa;

- janarmaı quıý stansalary;

- onlaın jetkizý;

- Ekinshi deńgeıdegi bankter jáne basqa da qarjy uıymdary (50%-ǵa deıin);

- saqtandyrý;

- lombardtar;

- bızneske arnalǵan kásibı qyzmetter (konsaltıng, aýdıt jáne býhgalterlik qyzmetter);

- aqparattyq-kommýnıkatsııalyq tehnologııalar;

- azyq-túlik emes dúkender, jalpy aýdany 500 sharshy metrge deıin;

- TQS, kólik jýý jáne shınomontajdaý;

- shashtaraz;

- fotosalondar;

- gúl pavılondary;

- hımııalyq tazartý (kir jýý oryndary);

- tehnıka jáne aıaq kıim jóndeý oryndary;

- baspa úıleri;

- aıyrbastaý pýnktteri;

- veterınarlyq qyzmet.

Qoǵamdyq kóliktiń jumys tártibi ózgerissiz qalady (saǵat 06.00-den 19.00-ge deıin)

«Osyǵan baılanysty azamattarǵa karantın men sanıtarlyq-epıdemıologııalyq normalardy qatań saqtaý kerektigin eskertemiz. Karantındi buzý (qyzmetti ruqsatsyz júzege asyrý, onyń ishinde jumysqa shyǵý) Qazaqstan Respýblıkasynyń zańnamasynda kózdelgen derbes jáne qylmystyq jaýapkershilikke ákep soǵady», - dep atap ótti jedel shtabtan.