Karantın rejımi: Google braýzerinde keıbir janýarlardy 3D formatynda kórýge bolady

Amerıkalyq «Google» transulttyq korporatsııasy da balalardy qýantý nıetimen keıbir janýarlardyń sýretin 3D formatynda kórý múmkindigin jasaǵan, dep habarlaıdy QazAqparat tilshisi.

AR – augmented reality nemese qosymsha shynaıy ómir. «Google-diń» izdeý júıesine keıbir janýarlardyń atyn jazyp, olardy 3D formatynda kórýge bolady. Olardy mundaı formatta kórgen balada jan-janýarlar álemine erekshe túrde saıahat jasaý múmkindigi týady.

3D formatyndaǵy janýarlar – karantın rejımindegi balalar úshin eń jaqsy ermektiń biri. Tipti 3D formatyndaǵy janýarmen sýretke túsýge bolady.

Mysaly, izdeý júıesine «jolbarys» degen sózdi jazsańyz, onyń qandaı janýar ekendigi týraly aqparat pen onyń birneshe sýreti shyǵady. «Sýretti shynaıy ómirdegideı kórý» nemese «3D formatynda kórý» degen nusqalary da bar. Odan keıin jolbarystyń salmaǵy, ómir súrý uzaqtyǵy jáne basqa da oǵan qatysty qyzyqty málimetter shyǵady. Sondaı-aq, janýarlardy atalǵan formatta kórýdiń tanymdyq máni zor, sebebi janýardyń ómirde qanshalyqty úlken ekenin bilýge bolady.

3D formatynda allıgator, balyq, aıý, mysyq, gepard, buǵy, ıt, úırek, pıngvın, panda, qoı, kirpi, jylqy, arystan, qus, akýla, ponı, jylan, tasbaqa, qasqyr jáne qoıandy kórýge bolady.