Karantın rejımi: Almatyda 50-den astam kólik júrgizýshisi jaýapqa tartyldy
ALMATY. QazAqparat – Almatyda 50-den astam júrgizýshi qalada maqsatsyz júrgeni úshin jaýapqa tartyldy, dep habarlaıdy QazAqparat tilshisi.
Almaty qalalyq PD málimetinshe, tótenshe jaǵdaıdyń jáne sanıtarlyq-epıdemıologııalyq normalardyń saqtalýy úshin qalanyń ishinde 41 tekserý beketi uıymdastyrylǵan..
«Nátıjesinde, qalada júrýge ruqsaty joq 7485 kólik tirkeldi. Qalada zańsyz júrip-turǵany úshin 211 júrgizýshi ustaldy, onyń 51-i ákimshilik jaýapkershilikke tartyldy, 160 júrgizýshige qatań eskertý jasaldy»,– dep habarlaıdy qalalyq PD baspasóz qyzmeti.
Desekte, qazir qala kóshelerinde kólik qozǵalysy tómendegen.
«Jol qaýipsizdigin qamtamasyz etýdiń avtomattandyrylǵan aqparattyq júıesi» apparattyq-baǵdarlamalyq kesheniniń kómegimen júrgizilgen taldaý boıynsha qalanyń negizgi kósheleri boıymen kólikterdiń qozǵalysy tómendegenin kórsetti. Sonymen, saǵat 08.00-den 09.00-ge deıin AShAJ, Raıymbek – Saın, Seıfýllın – Jansúgirov, Tóle bı – Rozybakıev barlyq baǵyttarda 4 398 kólik tirkeldi. 11 naýryzda atalǵan ýchaskelerdegi kólik sany 19 546 birlikti quraǵan bolatyn»,–dep habarlaıdy PD baspasóz qyzmeti.
