Karantın: Nur-Sultanda jasyryn jumys júrgizgen massaj salony anyqtaldy
NUR-SULTAN. QazAqparat – «Ýchaske» jedel-izdestirý sharalary barysynda túnde, elordadaǵy Temirqazyq kóshesinde ornalasqan kottedjde massaj salonynyń jumys istep turǵany anyqtaldy.
Salondaǵy boıjetkenderdiń qyzmeti massajben shektelmegen, dep habarlaıdy QazAqparat tilshisi.
«Polıtsııa qyzmetkerleri ol jerdegi boıjetkenderdiń massaj qyzmetin ǵana emes, belgili bir somaǵa ıntımdi qyzmet te kórsetetinin anyqtady. Salon ıesi, 26 jastaǵy boıjetken eken. Ol jezókshelikpen aınalysýǵa nysanyn bergeni úshin Ákimshilik kodekstiń 450-baby boıynsha ákimshilik jaýapqa tartyldy», - dep habarlaıdy Nur-Sultan qalalyq Polıtsııa departamentinen.
Sonymen qatar kottedj ıesi bas sanıtarlyq dárigerdiń karantın rejımi kezindegi shekteý sharalarynyń normalaryn saqtamaǵany belgili boldy.
«Karantın rejımin buzǵan azamattardyń bári de zańǵa sáıkes ákimshilik jaýapqa tartyldy. Nur-Sultan qalasynyń Polıtsııa departamenti koronavırýs ınfektsııasyny taralýyna jol bermeý úshin karantın rejıminiń saqtalýy kerektigin eskertedi», - delingen habarlamada.
