Karantın nátıjesi: SQO-da KVI juqtyrý 1,3 ese azaıdy
PETROPAVL. QazAqparat – Soltústik Qazaqstan oblysynda karantındik shekteýlerdi kúsheıtý nátıje berip jatyr. Ótken aptada koronavırýs ınfektsııasyn juqtyrý jaǵdaıy 1,3 ese azaıǵan, dep habarlaıdy QazAqparat tilshisi.
SQO-da ótken táýlikte KVI juqtyrýdyń 70 jaǵdaıy tirkeldi. Aýyrǵandar barlyq 13 aýdanda jáne Petropavlda anyqtalǵan. SQO bas memlekettik sanıtar dárigeri Áset Jumataevtyń aıtýynsha, ótken aptada qaýipti indetti juqtyrýshylar sany 1,3 ese azaıyp otyr. Bul der kezinde qolǵa alynǵan karantındik shekteý sharalarynyń nátıjesi.
«Oblysta barlyq aýyrǵandar sany 11 179. Onyń 382-si syrttan ákelingen. 16 %-inde profılaktıkalyq tekserý kezinde, eń kóbi – 6791 adam nemese 61 %-y medıtsınalyq kómekke júginý barysynda anyqtalǵan. 23 %-y aýyrǵandarmen baılanysta bolyp KVI juqtyrǵan», - deıdi Áset Jumataev.
Qazir oblysta 452 adam ınfektsııalyq statsıonarlarda em alsa, solaryń 22-siniń jaǵdaıy aýyr, jansaqtaý bólimderinde jatyr. 42 adam qaıtys boldy.
SQO bas sanıtar dárigeri buǵan deıin brıfıngte oqýshylarǵa qatysty aqparatpen bólisti.
Sondaı-aq, Áset Jumataev koronavırýsqa qarsy vaktsına alǵannan keıingi jaǵdaıyn aıtyp berdi.
