Karantın: Monshada demalǵan jemqorlyqpen kúres qyzmetkerlerin tergeý bastaldy
NUR-SULTAN. QazAqparat – Aqmola oblysynda karantın ýaqytynda monshada demalys jasaǵan jemqorlyqqa qarsy kúres departamentiniń qyzmetkerlerine qatysty qyzmettik tergeý bastaldy, dep habarlaıdy QazAqparat tilshisi.
«Atalmysh fakt boıynsha Sybaılas jemqorlyqqa qarsy is-qımyl departamentiniń qyzmetkerlerine qatysty qyzmettik tergeý bastaldy. Onyń qorytyndysy boıynsha tıisti shara qabyldanady», - dedi QR Sybaılas jemqorlyqqa qarsy is-qımyl agenttigi Seriktestik departamentiniń bas sarapshysy Nurbek Nábıev tikeleı efırde ótken baspasóz máslıhaty barysynda.
Eske sala ketsek, keshe Aqmola oblystyq Polıtsııa departamenti Tótenshe jaǵdaı rejımi kezinde Sybaılas jemqorlyqqa qarsy is-qımyl agenttigi Aqmola oblysy boıynsha departamentiniń laýazymdy tulǵalary monsha kesheninde demalǵanyn habarlaǵan bolatyn. Vedomstvonyń málimetinshe, 18 sáýirde saǵat 22:30 shamasynda Krımınaldy polıtsııa basqarmasynyń qyzmetkerleri Kókshetaý qalasynda júrgizgen reıd kezinde «Izbýshka» monsha kesheni ıesi tótenshe jaǵdaı rejımin buzǵanyn anyqtady. Monsha keshenin tekserý kezinde ishinde tórt adam bolǵan.
