Karantın: Mektepterde merekelik sharalar qalaı ótedi
ALMATY. QazAqparat – Almaty qalalyq Bilim basqarmasynda pandemııa jaǵdaıynda bıylǵy Táýelsizdik kúni men QR Tuńǵysh Prezıdenti kúni mekteptere qalaı atalyp ótilletini týraly aıtty, dep habarlaıdy QazAqparat tilshisi.
«Jeltoqsan aıynda QR Tuńǵysh Prezıdenti kúni, Táýelsizdik kúni, Jańa jyl sııaqty ataýly merekeler bar. Ókinishke oraı, qalalyq bas sanıtarlyq dárigerdiń qaýlysyna sáıkes mádenı buqaralyq sharalardy ótkizýge tyıym salynǵan. Osyǵan oraı jalpy buqaralyq sharalar bolmaıdy. Al mereke onlaın formatta atalyp ótiledi. Kezekshi synyptarǵa baryp júrgen balalar arasynda synyp saǵaty sııaqty merekelik sharalar ótedi. Merekelik sharalar týraly egjeı-tegjeıli jospar qalalyq Bilim basqarmasynyń saıtynda jarııalanady», - dedi onlaın brıfıng barysynda qalalyq Bilim basqarmasy basshysynyń orynbasary Qaırat Jumanov.
Onyń aıtýynsha, kezekshi synyptarda merekelik sharalar synyp ishinde ǵana ótedi, jalpy mekteptik jıyndarǵa tyıym salynǵan.
Al qala ákiminiń shyrshasyna qatysty merekelik sharalar jospary áli talqylaý ústinde.
