Karantın: «Qyzyl» aımaqtaǵy óńirlerde qandaı shekteý sharalary engizilmek

NUR-SULTAN. QazAqparat – Búgin Úkimet otyrysynda Densaýlyq saqtaý mınıstri Ajar Ǵınııat koronavırýs boıynsha «qyzyl» aımaqtaǵy óńirlerde qandaı jaǵdaıda «Ashyq» qosymshasyn paıdalaný engiziletinin aıtty, dep habarlaıdy QazAqparat tilshisi.

«Qyzyl» aımaqta shekteý sharalary densaýlyq saqtaý júıesiniń júktemesine baılanysty eki kezeńmen qabyldanady. Birinshi kezeńde – R sany 1-den artyq bolǵanda, ıaǵnı aýrýdyń taralýy kúsheıgen kezde jáne 100 myń turǵynǵa shaqqanda aýrýhanaǵa jatqyzý kórsetkishi 25-ten 50-ge deıin bolǵanda bıznes shekteýsiz jumys isteıdi. Osy oraıda - mindetti túrde maskalar jabyq úı-jaılarda, kóliktiń barlyq túrlerinde paıdalanylady», - dedi A. Ǵınııat.

Onyń aıtýynsha, aýrýdyń taralýy órshigen jaǵdaıda bilim berý uıymdarynda qosymsha shekteýler engiziledi

«Ekinshi kezeńde R-ǵa qaramastan, ıaǵnı 100 myń turǵynǵa shaqqanda aýrýhanaǵa jatqyzý kórsetkishi 50-den astam bolǵan kezde obektilerde «Ashyq» qosymshasy mindetti túrde paıdalanylady. Kópshilik is-sharalardy ótkizýge baılanysty bıznes obektileriniń tolymdylyǵy 50 paıyzǵa deıin shekteledi. Sonymen qatar bilim berý uıymdarynda qosymsha shekteýler engiziledi. Uıymdar qyzmetkerleriniń 30 paıyzy qashyqtan jumys isteýge aýysady», - dedi mınıstr.

Aıta ketsek, koronavırýstyń taralý matrıtsasyna sáıkes ázirge birde-bir óńir «qyzyl» aımaqta emes. Tek Nur-Sultan qalasy ǵana «saryda». Qalǵan óńirler jasylda.

Budan buryn habarlanǵandaı, mınıstr qyrkúıek aıynda koronavırýstyń taralýy tómendeýi múmkin ekenin aıtty.