Karantın kúsheıtilgen Qyzylorda qalasynda 4800 kásiporyn tekserildi
Qyzylorda qalasynyń ákimdigi janynan rejım talaptaryn baqylaý boıynsha 23 monıtorıngtik top jumys jasap keledi. Monıtorıngtik top menshik nysanyna qaramastan, barlyq kásiporynnyń sanıtarlyq-dezınfektsııalyq talaptardy oryndaýyn baqylap otyr.
«Bul baǵytta qala ishinde - 14, qalaǵa qarasty kent jáne aýyldyq okrýgterde 9 top turaqty túrde jumys jasaıdy. Quramynda qalalyq prokýratýra, qalalyq Taýarlar men kórsetiletin qyzmetterdiń sapasy men qaýipsizdigin baqylaý basqarmasy, qala ákimdigi, qalalyq polıtsııa basqarmasynyń qyzmetkerleri bar.
Jumysshy top músheleri osy kezge deıin qala aýmaǵynda ornalasqan 4800-den astam nysandy aralady. Onyń ishinde talaptardy oryndamaǵan birqatar mekeme anyqtaldy. Kásip ıelerine Ákimshilik quqyq buzýshylyq týraly kodekske sáıkes hattama toltyryldy. Al olardyń bireýine kemshilikti joıǵanǵa deıin qyzmetin toqtatý boıynsha sheshim qabyldandy. Qazirgi tańda bul baǵyttaǵy jumystar jalǵasýda», - dep málim etti Qyzylorda qalasynyń ákimdiginen.
Buǵan deıin habarlaǵanymyzdaı, 27 maýsymnan bastap Qyzylorda qalasynda karantın talaptary kúsheıtildi.