Karantın kúsheıtilgen kezde Býrabaı kýrortyna barýǵa bola ma
Basseınderdiń jumysyna bir adamǵa sýda 5 sharshy metr esebinen jeke formattaǵy jumys rejımimen aldyn ala jazylý boıynsha ruqsat etiledi. Senbi jáne jeksenbi kúnderi olardyń qyzmeti toqtatylady.
Sondaı-aq, erekshe qorǵalatyn tabıǵı aýmaqtarǵa (memlekettik ulttyq tabıǵı parkterge, qoryqtarǵa, rezervattarǵa jáne basqalarǵa) 15 adamnan aspaıtyn jeke jáne uıymdasqan toptarǵa betperde rejımin jáne keminde 2 metr qashyqtyqty saqtaı otyryp barýǵa ruqsat etiledi.
Qazaqstan Respýblıkasynyń chempıonattary men respýblıkalyq jarystardy (biryńǵaı respýblıkalyq kúntizbe boıynsha) kórermenderdiń qatysýynsyz, tıisti aýmaqtardyń bas sanıtarlyq dárigerleriniń kelisimi boıynsha kúsheıtilgen sanıtarlyq-dezınfektsııalyq rejımdi saqtaǵan jáne bir mezgilde 100 adamnan aspaǵan jaǵdaıda ótkizýge bolady.
Kúsheıtilgen sanıtarlyq-dezınfektsııalyq rejımdi saqtaı otyryp, bir mezgilde 30 adamnan aspaıtyn oblystyq komandalardy daıarlaý úshin oqý-jattyǵý jıyndary qaıta bastalady.
Budan bólek, 1000 sharshy metrge deıingi alańda, tolymdylyǵy 30 paıyzdan aspaıtyn jáne bir kelýshige keminde 4 sharshy metr jaǵdaı jasalǵan azyq-túlik emes dúkenderdiń (jeke turǵan) jumysy saǵat 10:00-22:00 deıin shekteledi. Al senbi jáne jeksenbi kúnderi jumysyn toqtatady.
Aqmola oblysy boıynsha taksı qyzmetiniń qozǵalysy shekteledi (otbasy múshelerin qospaǵanda, 2 adamnan artyq emes).
Sondaı-aq, jabyq azyq-túlik emes jáne azyq-túlik bazarlarynyń (saýda úıleriniń, saýda ortalyqtarynyń, dúkender pavılondarynyń jáne bazarlar tıpi boıynsha t.b.) qyzmeti 30 paıyzdan aspaıtyn jáne bir kelýshige keminde 4 sharshy metr jaǵdaı jasaý men sanıtarlyq talaptardy saqtaı otyryp shekteledi. Olardyń qyzmeti senbi jáne jeksenbi kúnderi toqtatylady.
Aqmola oblysy boıynsha sýpermarketterdiń, gıpermarketterdiń jumys tártibi eger tolymdylyǵy 30 paıyzdan aspasa jáne bir kelýshige keminde 4 sharshy metr jaǵdaı jasalǵan kezde saǵat 10:00-nan 22:00 deıin bekitiledi.
Osyndaı talaptar saýda-oıyn-saýyq ortalyqtaryna, saýda úılerine, saýda ortalyqtaryna (sonda ornalasqan azyq-túlik bólimderi men dárihanalardy qospaǵanda) qoıylyp otyr.
Al balalar oıyn alańdary men attraktsıondarynyń qyzmetine tyıym salynady. Bıznes-ortalyqtardyń (saqtandyrý kompanııalary, advokat, notarıýs, býhgalter jáne konsaltıng qyzmetteri, jyljymaıtyn múlik jónindegi agenttikter, jarnama agenttikteri, sot oryndaýshylary jáne t.b.), aqsha aıyrbastaý pýnktteriniń, lombardtardyń jumysy QR MGSB № 67 qaýlysynyń talaptaryn saqtaı otyryp uıymdastyrylady.
Halyqqa qyzmet kórsetý ortalyqtarynyń, onyń ishinde mamandandyrylǵan HQKO-dyń jumys kestesi jumys kúnderi (dúısenbi - juma) saǵat 09:00-dan 18:00-ge deıin, senbi kúnderi saǵat 09:00-den 14:00-ge deıin. Karantındik sharalardy saqtaý úshin HQKO-na jáne mamandandyrylǵan HQKO-na kezekti aldyn ala brondaý arqyly barý usynylady Egov.kz, telegramm-bot EgovKZBot 2.0.
«Qazposhta» AQ jumysy jumys kúnderi saǵat 09:00-dan 18:00-ge deıin, senbi kúnderi saǵat 09:00-den 14:00-ge deıin ýaqytty shekteýmen jáne onlaın formatta barynsha qyzmet kórsetýmen uıymdastyrylady.
Aqmola oblysynyń bas memlekettik sanıtarlyq dárigeriniń qaýlysynda Memlekettik qyzmet kórsetý ortalyqtarynda memlekettik kirister ǵımarattarynyń jumysyn jumys kúnderi (dúısenbi - juma) saǵat 09:00-dan 18:00-ge deıin (túski úzilispen) uıymdastyrý týraly aıtylǵan. Karantındik sharalardy saqtaý úshin memlekettik kirister organdarynyń halyqqa saıt arqyly kezekti aldyn ala brondaý boıynsha qyzmet kórsetýi usynylady www.kgd.gov.kz, mobıldi qosymsha E-salyq (Kókshetaý, Stepnogor qalalary, Tselınograd jáne Býrabaı aýdandary boıynsha MKB), nemese telefon jazbasy boıynsha basqarmalardyń qalǵan aýmaqtyq aımaqtarynda.
Eske sala keteıik, 2021 jylǵy 16 qańtardaǵy Qazaqstan óńirlerindegi epıdemıologııalyq jaǵdaıdy baǵalaý matrıtsasyna sáıkes, Nur-Sultan qalasy men Qostanaı jáne Aqmola oblystary «qyzyl aımaq» ótip otyr.
