Karantın: Qudalyq ótkizgen meıramhana ıesine 300 myń teńge aıyppul salyndy
KÓKShETAÝ. QazAqparat – Aqmola oblysynyń Jarqaıyń aýdanynda karantın kezinde qudalyq ótkizgen meıramhana ıesi ákimshilik jazaǵa tartyldy, dep habarlaıdy QazAqparat tilshisi oblystyq taýarlar men kórsetiletin qyzmetterdiń sapasy men qaýipsizdigin baqylaý departamentine silteme jasap.
Vedomstvonyń málimetinshe, Jarqaıyń aýdandyq taýarlar men kórsetiletin qyzmetterdiń sapasy men qaýipsizdigin baqylaý basqarmasyna aýdandyq polıtsııa bóliminen Derjavınsk qalasyndaǵy «Ajar» meıramhanasynda kópshiliktiń jınalýymen is-shara ótkizilgendigi týraly is materıaldary tústi.
«Osyǵan baılanysty jeke kásipkerdiń ústinen QR ÁQbK 425-babynyń 1-bóligi boıynsha ákimshilik zańbuzýshylyq týraly hattama toltyryldy. ıAǵnı, 230 aılyq eseptik kórsetkish kóleminde aıyppul túrinde ákimshilik shara qoldanyldy. Aıyppul kólemi qysqartyp aıtqanda 319 470 myń teńgeni qurady», - deıdi vedomstvodan.
