Karantın: Qostanaı oblysyndaǵy 1200 kásipkerge qoldaý kórsetildi
Óńirlik kommýnıkatsııalar alańynda ótken brıfıngte Qostanaı oblysy ákimdiginiń kásipkerlik jáne ındýstrııalyq-ınnovatsııalyq damý basqarmasynyń basshysy Oljas Saparbekov «Qarapaıym zattar ekonomıkasy» baǵdarlamasynyń oryndalýy týraly aıtyp berdi. Onyń sózinshe, bıyl baǵdarlama sheńberinde 245 joba qaralyp, onyń 192 -si maquldandy. Bul maqsatta 31 mlrd teńge ıgerildi. Jalpy jobanyń oryndalýyna 49 mlrd teńge jumsalmaq.
«Qabyldanǵan 192 jobanyń deni shaǵyn jáne orta bıznes sýbektilerine tıesili. Jobalardy oryndaýdaǵy basty talap turǵyndar men bıznes sýbektileriniń sanıtarlyq- epıdemıologııalyq talaptarǵa jaýaptylyǵy bolyp otyr. Koronovırýstyq ınfektsııanyń órship ketýine baılanysty 9 qarashadan bastap oblystyń perımetri boıynsha sanıtarlyq beketter ornatyldy. Sondaı-aq, QR Memlekettik shekarasy arqyly avtokólikterdi ótkizý qatań tekseriledi. Muny azamattarymyzdyń indet juqtyrý qaýpin barynsha azaıtýǵa baǵyttalǵan májbúrli sharalar ekenin túsinýimiz kerek», - deıdi basqarma basshysy.
Oblysta «Eńbek» baǵdarlamasy sheńberinde jalpy somasy 2,9 mlrd. teńgege 1200 kásipkerge qoldaý kórsetildi. Sonymen qatar QR Úkimeti bıznesti qoldaýǵa baǵyttalǵan daǵdarysqa qarsy sharalar paketin qabyldady.
«Atap aıtqanda, QR Ulttyq Bankiniń jeńildikpen nesıeleý baǵdarlamasy boıynsha 15,9 mlrd. teńgege 74 kredıt maquldandy. ShOB-qa qatysty tekserýler men profılaktıkalyq baqylaý aktileriniń sany 39%-ǵa qysqardy.
Ekinshi deńgeıdegi bankter memlekettik baǵdarlamalardyń qatysýshylary sanalatyn 171 kásipkerlik sýbektisine kredıtter boıynsha merzimin keıinge qaldyrýdy usyndy. Bul kásipkerlerimizge úlken kómek bolyp otyr. Sondaı-aq kommýnaldyq menshiktiń 729 sharty boıynsha jaldaý aqysyn esepteýdiń toqtatylǵany qýantady. 46 myń mıkro jáne shaǵyn bıznes sýbektisi salyqtan tolyq bosatylǵanyn atap ótý kerek», - deıdi O.Saparbekov.
Oblysta infokazakhstan.kz elektrondyq portaly jumysyn jalǵastyrýda. Saıt arqyly kásipkerler óz qyzmetin qalpyna keltire alady. Osy jyldyń 12 qarashadaǵy málimeti boıynsha portalǵa 23 477 ótinim berilse, onyń 18 472-si maquldandy.
