Karantın: Qostanaı oblysynda shekteý sharalary qaıta kúsheıdi

QOSTANAI. QazAqparat – Qostanaı oblysynyń memlekettik sanıtarııalyq bas dárigeri karantındik sharalary jáne olardy kezeń-kezeńimen jeńildetý týraly qaýlysyna ózgertý engizdi, dep habarlaıdy QazAqpara Oblys ákimdigi janyndaǵy óńirlik jedel shtabqa silteme jasap.

Qostanaı oblysynyń memlekettik sanıtarlyq bas dárigeri E. Daýletbaev 2021 jylǵy 6 qańtardaǵy qaýlysyna mynadaı ózgerister engizdi:

1) 180 adamǵa deıingi kontıngenti bar mektepterge (synyptardaǵy balalarynyń sany 15 adamǵa deıin saqtalýy qamtamasyz etilgen jaǵdaıda) ata-analardyń ótinishi boıynsha jumys isteýine ruqsat berý; 1-4-synyptardaǵy bilim alýshylar úshin bilim berý uıymdarynda kezekshi synyptar uıymdastyrylady, bul rette topqa 15 baladan artyq jiberilmeıdi; qalǵan synyptar qashyqtyq formatta oqıdy;

2) tehnıkalyq jáne kásiptik bilim berý uıymdarynyń stýdentterin tek qashyqtan oqytý;

Óńirdiń sanıtarııa dárigeriniń qaýlysy 2021 jylǵy 27 qańtar saǵat 00:00-den bastap kúshine enedi. Qaýlyne 2021 jylǵy 10 aqpan saǵat 00:00-ge deıin qoldanylady.