Karantın: Kompıýteri men ınterneti joq stýdentter qashyqtan qalaı oqıdy
ALMATY. QazAqparat - Almaty qalalyq Bilim basqarmasy basshysynyń orynbasary Gúlnar Aıtqulova ınterneti men kompıýteri joq stýdentter qashyqtan qalaı oqıtynyn túsindirdi, dep habarlaıdy QazAqparat tilshisi.
«Bizde 8 kolledjdiń 108 stýdentinde smartfon joq. Stýdentter qashyqtan oqýǵa jiberiler kezde oqytýshylar olarǵa arnaıy materıaldar taratqan. Olar «Qazposhta» arqyly jáne basqa da joldarmen ustazdarmen baılanysta otyr», - dedi ol.
G.Aıtqulovanyń aıtýynsha, pedagogtar bilim berýdi úılerinen júrgizip otyr.
«Meniń oıymsha, barlyq oqytýshyda noýtbýk pen smartfon bar. Qazir bilim basqarmasy oqytýshylardyń qolyndaǵy tehnıka sanyn baqylaýǵa aldy», - dedi basqarma basshysynyń orynbasary.
Osy ýaqytqa deıin Qazaqstanda koronavırýske shaldyqqan 35 adam anyqtaldy. Onyń ishinde 17 jaǵdaı - Almatyda, 18 fakti - Nur-Sultanda tirkelip otyr.
